Sebhat Amare

Struggle for your freedom

Poems

=========የከዳሁሽ ለታ========
ይሁዳን ሆኜብሽ
በዼጥሮስ ኣንደበት ኣላዉቅሽም ኣልኩሽ
ድሮ….
ኣልተዉሺም እንዲል ያስማልኩት ምላሴን
ዛሬ….
ቅሪብኝ በል ኣልኩት በቃ ተይኝ እኔን!!!
ያኔ ነው እንግዲህ በደሌ ሲበዛ ወንድነቴ ክዶኝ
እኔነቴን ማወቅ ማመን እስኪያቅተኝ
ቁጭ ብዬ ከማልቀስ ትኝቼ ከማሰብ ከመጨነቅ በላይ
ኣንዳች እንዳልሰማ ማንንም እንዳላይ
ሞቴን እንዲያቀርበው ያንጋጠጥኩ ወደላይ!!
ያኔ ነው እንግዲህ ዓይንሽ ላፈር ብዬ የከዳሁሽ ለታ
ፈጣሪን የለመንኩ በደለኛ ልጁን ወርዶ እንዲመታ
ዉዴ
የበደሌ ካራ የወንጀሌ ሰይፍ ባንቺ ላይ የጣልኩት
ለየዋህነትሽ ምላሽ ለደግነትሽ አፀፋ መክሊት ያደረኩት
የፈፀምኩት ደባ ያላልኩት ነግበኔ
ዉጤቱ ክህደት ነው ሰበቡ ጭካኔ።
እናም የኔ ፍቅር
በዳቢሎስ በትር
በሳጥናኤል ምስል
ነፍስሽን ባቆስል
ክህደቴን ኣብዝቼ ልብሽን ብሰልበው
በደሌን ኣግዝፌ ዉስጥሽን ብጎዳው
ኣይክፋሽ ግዴለም
ሰው እንኳን ለሰው ልጅ ለጌታም ኣልሆነም።
እኔ ግን የከዳሁሽ ለታ
የሳቅናቸው ሳቆች ከፊቴ መጡብኝ
ጣፋጭ ሌቶቻችን ቆመው ፈጠጡብኝ
ኣንሶላ ትራሴ ኣመጻ ወጡብኝ!!!!

በኖህ ዘመን
በኖህ ዘመን እንደነበረ እንዲሁ
የማይሰማ ትውልድ አለ ቢጮሁ ቢጮሁ
እኛስ እንዴት አለን ወንድምና እህት
የኛስ ዘመን ጥፋት ነዉና በእሳት::
ከኖህ ጋር ነን ወይስ ለብቻችን
መርከቡን የምንሰራው የመዳናችንን
መፆም መፀለዩመክሊቱ ሰልችቶን
ቤታችን ቀርተናል እያጉረመረምን?
ወይስ ክፉ ደጉን ከቤተክርስቲያን ጋር
ወደናል ጠልተናል ብንተሳሰር?
ብንወድም ብንጠላም አንድ ቀን በድንገት
ኢየሱስ ይመጣል ባላሰብነው ሰአት
ስለዚህ ከአሁኑ እንዘጋጅበት
እንፀልይ እንመስክር እንቁም በትጋት
በላይ በሰማይቤት ይሁነን እረፍት:.
እዚህ በምድር ላይ ከቶ አንዝናና
ስጋ እያታለለን አይግዛን ስንፍና
ገና ወደ አገራችን አልደረስንምና
የተገባዉን ተስፋ አልጨበጥንምና:.
ስለጌታ ኢየሱስ ሰማያዊ ስጋ
ከሚሹም ጋር ፀንተን እንዋጋ
ከዋኖቻችን ጋር በአንድ ሰልፍ እንቁም
ከአምላካችን ጉያ ማንም አይንጠቀን::

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: